ಹುಬ್ಬಳ್ಳಿ ಧಾರವಾಡ ಮಹಾನಗರ ಪಾಲಿಕೆ ನೂತನವಾಗಿ ನಾಮನಿರ್ದೇಶನಗೂಂಡ ಪಾಲಿಕೆ ಸದಸ್ಯರಿಂದ ಇಂದು ಪ್ರಮಾಣವಚನ ಸ್ವೀಕಾರ

ನವದೆಹಲಿ: ಸಾಲ ವಸೂಲಿ ಸಂಸ್ಥೆಗಳು ಅಥವಾ ಅವರ ಪ್ರತಿನಿಧಿಗಳು ಮನೆ ಮಾಲೀಕರ ಅನುಮತಿ ಇಲ್ಲದೆ ಮನೆಗೆ ಪ್ರವೇಶಿಸುವಂತಿಲ್ಲ ಎಂದು ಕಾನೂನು ತಜ್ಞರು ಸ್ಪಷ್ಟಪಡಿಸಿದ್ದಾರೆ. ಸಾಲ ಮರುಪಾವತಿಗೆ ಒತ್ತಡ ಹೇರುವ ನೆಪದಲ್ಲಿ ಖಾಸಗಿ ನಿವಾಸಗಳಿಗೆ ಅನಧಿಕೃತವಾಗಿ ಪ್ರವೇಶಿಸುವುದು ಕಾನೂನುಬಾಹಿರ ಕೃತ್ಯವೆಂದು ಪರಿಗಣಿಸಲಾಗುತ್ತದೆ.

ಭಾರತೀಯ ದಂಡ ಸಂಹಿತೆ (IPC)ಯ ಸೆಕ್ಷನ್ 441 ಮತ್ತು 448 ಹಾಗೂ ಭಾರತೀಯ ನ್ಯಾಯ ಸಂಹಿತೆ (BNS)ಯ ಸೆಕ್ಷನ್ 329 ಮತ್ತು 331ರ ಪ್ರಕಾರ, ಅನುಮತಿ ಇಲ್ಲದೆ ಮತ್ತೊಬ್ಬರ ಆಸ್ತಿಗೆ ಪ್ರವೇಶಿಸುವುದು ಅಥವಾ ಅತಿಕ್ರಮಣ ಮಾಡುವುದು ಅಪರಾಧವಾಗಿದೆ. ಇಂತಹ ಕೃತ್ಯಗಳನ್ನು “ಅಕ್ರಮ ಪ್ರವೇಶ” (Criminal Trespass) ಎಂದು ಪರಿಗಣಿಸಲಾಗುತ್ತದೆ.

ಕಾನೂನು ಪ್ರಕಾರ ತಪ್ಪಿತಸ್ಥರೆಂದು ಸಾಬೀತಾದಲ್ಲಿ ಒಂದು ವರ್ಷದವರೆಗೆ ಜೈಲು ಶಿಕ್ಷೆ, ದಂಡ ಅಥವಾ ಎರಡನ್ನೂ ವಿಧಿಸುವ ಅವಕಾಶವಿದೆ. ಸಾಲ ವಸೂಲಿ ಮಾಡುವವರು ಬೆದರಿಕೆ, ಒತ್ತಡ ಅಥವಾ ಅನಧಿಕೃತ ಪ್ರವೇಶದ ಮೂಲಕ ಹಣ ವಸೂಲಿ ಮಾಡಲು ಯತ್ನಿಸಿದರೆ, ಸಂಬಂಧಿಸಿದ ವ್ಯಕ್ತಿಗಳು ತಕ್ಷಣವೇ ಪೊಲೀಸ್ ಠಾಣೆಗೆ ದೂರು ನೀಡಬಹುದು.

ಸಾಲಗಾರರಿಗೂ ಕಾನೂನಿನಡಿ ಹಕ್ಕುಗಳಿದ್ದು, ಅವರ ಗೌಪ್ಯತೆ ಹಾಗೂ ವೈಯಕ್ತಿಕ ಸ್ವಾತಂತ್ರ್ಯವನ್ನು ಉಲ್ಲಂಘಿಸುವ ಯಾವುದೇ ಕ್ರಮವನ್ನು ಕಾನೂನು ಸಹಿಸುವುದಿಲ್ಲ ಎಂದು ಕಾನೂನು ತಜ್ಞರು ತಿಳಿಸಿದ್ದಾರೆ.

ನ್ಯೂ ವಿಜಯ ನ್ಯೂಸ್ ವರದಿ ✅